DRAGON BOAT 14 Palio dei Draghi del 25/08/2007
Dopo la solita serata en cantier, me endromenzo vesti' sul let, ma per fortuna me ricordo de puntar la sveglia alle 6 e 3/4.... sol che tra na lavada, tra che preparo el zaino da montagna (chissa' mai che doman ghe scampa en girett coi paesani), tra che cargo tenda e sacc a pel en tel baulett della moto (eh,eh, se alla premiazion se brinda, no podo zerto risciar a guidar fim a ca'!) vem le 7 e 35.... DIAOLOPO'! El ritrovo l'e' alla barca alle 8! MA co na bella tirada de col al me vecio feraz en 28 minuti som a Perzen, altri 4 e som sul lac pront per cambiarme: dovem portar la barca a Caldonazz, al campo gara. Propri na bella levataccia: en 8 subit a farse 4 Km da pagaiada! Fata colaziom, spetem cosi' che i definissa le batterie de partenza alla riuniom dei capitani. I va en po' per le longhe e alle 10, finalmente nem fora a scaldarne: sem come terza batteria ensema al Ca' Rossa, e l Venezia e altre barche en pel pu' abbordabili. El problema l'e' che en finale va i primi doi e i 4 migliori tempi tra tutte le batterie (sem 21 barche!). Nem for a scaldarne, ma le successiom de batterie le e' lente: arrivem a stracarne avanti che tocca a noi! Allora, la tattica de gara ancoi l'e' 30 pagaiae secche de partenza, poi passo fin la fim: senza sprint. Pronti, via! Per l'occasiom el Mattia l'ha monta' sulla barca anca la digitale che ne riprende durante la gara: no se pol far brutta figura! Tutti i deve dar l'anima per vinzer! Ma el risultato no l'e' zerto entusiasmante.... sem en finalina per i 500 metri. Per 1/2di', tornem fora per far enveze la gara dei 250metri. E chi, anca se i ha misia' le batterie, pur arrivando tutti piu' o men al stess livell finim en finalina. Adess podem nar a trar zo en booccom al ristorante drio il campo gara... e chi, vada per la pasta come scorta de carboidrati, ma anca la birra (una sola!!!) la ghe n'ha, giusto? Entant che en spiaggia continua le manifestazion tra en record de apnea e le donne operae al seno che sfila en barca (e sto colp dovem star ben attenti ai jingle che cantem en barca! No podem zerto cantar la solita: "Tira fora le mam..."!!!!) ne ciapem na bella rosolada al sol e alle 3 e 1/2: gh'e' da nar! Finalina per i 500 metri.... eh, la partenza la pol nar, e anca el passo l'e' meio de stamattina (quando n'erem tirai massa el col), ma anca se ben o mal ne par de esser arrivai tutti ensema, alla fin sem sesti. Ma noi le potenzialita' le g'avem sul cort: sperem bem! Dopo na tribolada de zinque minuti comodi a allinearse en partenza.... VIA! ...e anca sto colp ne illudem de esser secondi o terzi, ma alla fin tra en reclamo e l fotofinish sem sempre sesti... peca'. Meio beverghe sora! E allora, carga' la borsa frigo piena de birra sulla barca, en 12 ripartim vers S.Cristoforo al lago per riportar a dormir el nos drago e recuperar le macchine.... e chi, dopo 2 latte a testa de birra (da mez litro!) e n par de zighereti scominzia el divertimento! A parte che ghe mettem n'ora a traversar el lac, quando sem quasi arrivai parte na sfida da foc: 6 contro 6. En pratica ne schierem frontalmente e ne dem el via.... acqua dappertutt, ma el me gruppo el vinze alla grande! Tornai a Caldonazz per le premiaziom, ne aprofitto per domandar ai campeggi quant che i me fa de empiantar la tenda... ma a quel ghe pensero' ben dopo! Entant, pero' me ciama i soci del paess per organizzarse per doman: gh'e' da nar! E cosi' i mando a me ca' a raccattarme i scarponi e me trovero' coi paesani doman de mattina al Zuffo.. Ma adess, la festa l'e' qi! E ritira' i trofei della gara, se seta de birra, spritz e.... po' salta for anca la vodka! Mezi della squadra i e' scampai: la zena l'e' veramente abbondante, e col bis de pataitine, veramente, dopo fa fadiga a passarne zo anca la vodka! Taca la musica da disco... ormai la serata l'e' enviada, e cosi', se ciava la tenda! Dormiro' buta' zo en spiaggia en tel sac a pelo! Se beve e se balla fin le 10, po' quando men ne l'aspettem i sera su baracca e burattini! Ma come??!!! E allora, dopo aver manda' en avanscoperta l'Angela co la macchina, ne trem tutti al Sedran a bever, bever, bever... Quando ormai l'e' le 2 vago rento col sac a pelo a saludar tutti (me buttero' a dormir en qualche parcheggio), ma l'Ofelia (la cameriera) le me offre la so camera dell'albergo (che stanot no le dopra), po' addirittura el Claudio el men da una pronta per nient! De lusso! E allora, via con altri 2/3 giri de birra e fatta chiusura, nem al panificio di fronte a torne le brioches appena sfornae.... fatto sta che dopo na bella magnada, i m'ha dat sora en scatolom de brioches vanzade da ancoi: vot dirghe de no? Doman ghe le porto ai soci del paess, se demo' riesso a serarle en tel baulet! E cosi' vers le 3, saluda' le cameriere e fionda' en camera (eh, eh... na singola propri de lusso), me trago en lett. Dormo fiss come en popo.... d'altronde, ancoi la giornada l'e' sta' propri piena, e tra 3 ore e mezza l'e' za' ora de levar: se va en Brenta!
| Arrivem la mattina e manca la mazzoccola per la tamburina!!! Ahh!!! E allora se ghe la fa su de frassem. | |
|
Se monta la videocamera sulla barca, cosi' en gara, sem tutti sorvegliati speciali! | Pronti a nar for a scaldarse! | |
|
I dragoni sul traguardo | ..e anca questa l'e' fatta. Si', l'e' vera, forse pensevem en po' meio.... ma la prossima, spacchem su tutt!!!! | |
|
E questa l'e' la mitica sfida 6 contro 6!!! Note' le disposiziom en barca: ha vint el me gruppo! | Tornem al campo gara per la zena e... no pol mancar i cocktail micidiali dell'Elisa (e l'Angela)! | |
|
...e l Kepo, no va via tant che l'e' propri sec... no no stanott a Trembelem l'e' meio no tornar en moto... | ...e infatti dopo na serata al Sedran a bever birra co la squadra e le cameriere (Ofelia e Eliana), la me va de lusso che l Claudio el me offre na stanza en l'albergo.... cosi' podo beverghe drio n'altro par de medie! | |
